Shtet mysliman në Bashkimin Evropian nuk ka, kurrë nuk do të ketë.
Të lejosh ndërtimin e 800 xhamive për 20 vjet, ndërsa nuk e ke ndërtuar asnjë sallë koncertale a teatër, t’i nënshtrohesh kreu të Bashkësisë Islamike që është bërë shtet mbi shtet, të mos i frenosh hoxhallarët agresivë që kërcënojnë e fyejnë kombin e shtetin, përdhosin heronjtë kombëtar dhe, të shpresosh liberalizim të vizave, duhet të jesh i lajthitur.
Çdo vjet përsëritet kërkesa, çdo vjet me të drejtë Bashkimi Evropianë na refuzon. Liberalizim të vizave nuk do të ketë. Ka rrezik të mbetemi në zonën e hirtë të kaosit e errësirës, nëse nuk ndryshojmë mendësi dhe nëse nuk i shkarkojmë elitat politike e shtetërore të kapura nga mafia islamike.
closevolume_off
Në jemi në Evropë, por nuk po sillemi si evropianë. Shteti i korruptuar dhe i kriminalizuar tash njëzetë vjet, populli i shushatur që heshtin si delet, mafia orientale e lokale-primitive që e ka gllabëruar qendrën e vendosjes, janë faktorë që e kanë bllokuar Dardaninë.
Nuk na e ka fajin Franca aleate, që e bombardoi Serbinë për hatër tonin, kot e fajësojmë Bashkimin Evropianë. Fajet i kemi ne. Që të fshihet e vërteta ka nis të kultivohet nga propaganda antikombëtare urrejtja dhe mos durimi ndaj Francës dhe Evropës.
Shtet mysliman në Bashkimin Evropian nuk ka, kurrë nuk do të ketë. Në BE nuk e pranuan Turqinë, edhe pse u ka rënë në gjunjë dikur. E pranuan Greqinë, e pranuan më vonë Bullgarinë e Rumaninë, të mos flasim për Slloveninë e Kroacinë.
Evropa e kultivuar nuk pranon shtete islamike, sepse krishterimi tabanë i kontinentit tonë është qytetërim, kulturë, është zhvillim, ekonomi e fortë.
Dardanë të mi, qytetarë e qeveritarë, thirrini mendjes dhe këndelluni, mos i merrni në qafë brezat e rinj, nipat tonë. //NGA: GANI MEHMETAJ
