ABC njofton se Gjykata e posaçme ka konfiskuar 26 pasuri në emër të biznesmenit Ylli Ndroqi përfshi edhe televizionin Ora News dhe Channel One.
Sipas gjyqtares së posaçme Etleva Deda, provohet që pasuritë e Ndroqit janë krijuar nga aktivetit kriminal dhe duhet të kalojnë në llogari të shtetit.
Për avokatët mbrojtës, vendimi është i pa bazuar në ligj dhe hodhën dyshime se është i motivuar politikisht.
Mbrojtësit ligjore paraljamëruan se këtë vendim do e çojnë në gjykatën e Strasburgut. Prokuroria e Posaçme, nisi hetimet në gusht të 2020 për Ndroqin referuar ligjit anti mafia.
Nga hetimet ka rezultuar se 26 pasuritë vlera e të cilave përllogaritete në rreth 3 milionë euro nuk justifkohen me burime të ligjshme dhe ka dyshime që janë krijuar nga aktivitet kriminal./abcnews.al
