Alfred Lela është revoltuar me atë pjesë të njerëzve, që kanë kritkuar truprojat e Sali Berishës pse nuk e mbrojtën atë më 6 dhjetor, kur dhe u godit nga Gerti Shehu.
Sipas Lelës, ata që kritikojnë janë injorantë, të mbushur plot ligësi dhe vrer.
“Personalisht e njoh mirë krejt linçimin njerëzor, sepse kam qenë më shumë se njëherë viktimë e tij. Si te Teatri, ashtu edhe te aksidenti alpinistik në Munellë.
Shqiptarët, një pjesë syresh-por një pjesë që ndërron vend, janë një racë e stërvitur fort në mungesë empatie dhe në shpalosje dijesh të epërme, si aty ku dinë diçka, por sidomos ku nuk dinë as më të vocklën gjë.
I tillë qe rasti i grupit të sigurisë së Doktor Berishës. Vreri i hedhur mbi ta ishte nga të hasurit edhe më parë ndër bedenat e Facebook-ut, por deprimues gjithsesi. I një vrazhdësie dhe çarturie të tillë sa, në vend t’i bënin gjyqin goditësit, iu sulën truprojeve. Sikur ta kishin goditur ata Doktorin!
Kjo fsheh një ligësi tragjike në thelb: përçartjet mbi viktimën në vend të agresorit. Pjesë e bëshme e kësaj taktike është devijimi i thelbit të ngjarjes. Dhe thelbi i ngjarjes ishte goditja e shefit të opozitës së një vendi në të cilin pushteti ka gjithçka.
Medet Zotit, deri edhe te pisqollat shëtitëse të Facebook-ut e televizioneve, disa prej të cilëve mund të kenë mend, por jo dhimbsuri!
Unë nuk i qes dot në dritë, por një llambë mbi ta mund ta hedh”, shkruan zëdhënësi i Sali Berishës.
