Ministri i Brendshëm, Bledi Çuçi ka bërë me dije disa nga prioritetet që ka ministria që ai drejton gjatë vitit 2023. Duke iu përgjigjur pyetjeve të bërë nga gazetarët në sallën e konferencës ditën e djeshme në lidhje me amnistinë fiskale, ai u shpreh se kjo amnisti do të krijojë mundësinë që paratë e fituara me djersë nga emigrantët shqiptarë për 30 vjet t’i investojnë në vendin e tyre. Më pas ai shtoi se të përjashtuar nga kjo kategori janë personazhet e botës së krimit, politikanë dhe zyrtarë.
“Amnistia fiskale, nëse ti pyet që lidhet me pastrimin e parave, është e kundërta, amnistia fiskale do krijojë mundësinë që para të cilat janë fituar me djers nga shqiptarët për 30 vite që kanë punuar në emigracion, do ti jepet një mundësi që ata para të investohen në vendin e tyre. Nga ana tjetër është e qartë se kjo mundësi përjashtohet totalisht personazhet e botës së krimit, politikanë dhe zyrtarë. Unë besoj që vete mekanizmat ligjorë bëjnë të mundur që të kontrollohet fenomeni”, deklaroi Çuçi.
Pagat e uniformave blu
Po ashtu, Çuçi theksoi se paga e punonjësve të Policisë së Shtetit u rrit me 15% gjatë 2022-it, duke shtuar se mbështetja financiare do të vijojë. Çuçi theksoi se paga e punonjësve të Policisë së Shtetit u rrit me 15% gjatë 2022-it, duke shtuar se mbështetja financiare do të vijojë. “Punonjësit e Policisë së Shtetit meritojnë një pagë gjithmonë e më të mirë sepse janë në përballje direkte me krimin. Një aspekt i rëndësishëm mbetet trajtimi i punonjësve të policisë nga pikëpamja financiare.
Gjatë 2022 e kemi rritur pagën me 15%, pa folur për paketat që kemi dhënë në vijim për amortizimin e efekteve të inflacionit prej luftës në Ukrainë. Kjo do vazhdojë akoma sepse punonjësit e Policisë së Shtetit meritojnë një pagë gjithmonë e më të mirë sepse janë në përballje direkte me krimin. Këto ishin disa nga arritjet në 2022-it dhe qëllimet për 2023.
Pjesa më e rëndësishme e një dosjes penale është në fiksimin e provave dhe këtu rolin kryesor e ka policia shkencore dhe ne siguruam financimin për ngritjen e një godine të re për policinë shkencore dhe pasi ta mbarojmë godinën, me partnerët tanë të Britanisë së Madhe kemi rreth 4 milionë paund që t’i pajisim me mjetet më të fundit”, u shpreh ai.
Shqipëria “i heq pasaportën” kompanisë “Aleat”
Ndërkohë koncensionari “Aleat” që ofron shërbimin e tij prej 16 vitesh në vendin tonë për prodhimin e dokumenteve biometrike, pasaportë dhe kartë identiteti, nuk do të marrë një rinovim kontrate nga shteti shqiptar. Kjo u bë e ditur nga Ministri i Brendshëm Bledi Çuçi që njoftoi se këtë vit do të krijohet një kompani shtetërore që do t’ua ofrojë këtë shërbim qytetarëve.
\
\“Pritshmëritë që kemi për 2023 e para është sfida për të marr në dorëzim të gjithë atë strukturë që është për printimin apo lëshimin e pasaportave të ID shqiptare të aleatit ku ne do krijojmë një kompani shtetërore për këtë qëllim që do jetë për shërbimin e prodhimit të dokumenteve biometrik në përgjithësi duke trashëguar të gjithë asetet dhe burimet njerëzore që janë krijuar gjithë këto vite tek kompania aleate që ka prodhuar të gjithë këto dokumente tashmë duke e marr një kompani shtetërore që është marr për këtë qëllim”, nënvizoi Çuçi. /Sidorela Braçja
