Sali Berisha duket nuk i del inati me ambasadoren amerikane. Prej disa ditësh ai po e sulmon në mënyrë frontale, por duket se tani e ka nxjerrë kokën se përse është acaruar me diplomaten e SHBA.
Kim ja ka bërë të qartë Berishës se fëmijët e tij do përballen me sanksione dhe kjo duket se ka alarmuar kryefoltoristin. Dje në një konferencë me gazetarët, Berisha tha se pas shpalljes së tij “non grata”, ambasadorja i kishte dërguar një mesazh, ku e paralajmëronte të hiqte dorë nga rezistenca, pasi do përballej me pasoja familja e tij.
“Në përpjekje të saj antikushtetuese, antidemokratike për të shkatërruar opozitën dhe kjo është në një zinxhir deklaratash. Po kaq ajo mendoi se unë mund të shantazhohem, ndër të tjera i thotë një deputeti të Partisë Demokratike si mesazhier shko dhe thuaji se nëqoftëse nesër Sali Berisha nuk pranon këtë, këtë, ndaj fëmijëve të tij, ndaj tij do të ndërmerren këto masa.
Përgjigjem me qetësi mos çoni për nesër por merrni sot dhe në rast se ju kujtohet Lul Basha, brava, u thoshte bashkëpunëtorëve të tij se do ta pësojë keq fëmijët e tij, ai apo pastaj kur e pa që nuk u thoshte se ky nuk pyet as për fëmijët e tij për karrigen e vet, që çarë karrige unë po luftoja për dinjitetin e shqiptarëve dhe jo për veten time”, deklaroi ai.
Më tej ai akuzoi ambasadoren se mbështet aferat e qeverisë. “Ajo në këtë aspekt ka tejkaluar çdo lloj limit, por ajo ka qenë promotore e bizneseve të padrejta e promotore e bizneseve pa tender të hapur dhe ato janë baraz korrupsion.
Ajo ka mbrojtur koncesionin e Skavices pa tender, ajo ka mbrojtur koncesionin e Butrintit pa tender, ajo ka mbrojtur konsicesionin apo çfarë është i ndërtimit të TEC të Vlorës në gaz në një kohë kur TEZ kushtoi 110 milionë euro kurse rikthimi i itj në gaz kushton 120 milionë. I kam denoncuar dhe idenoncoj. Nuk ka njeri që i çmon SHBA më shumë, kam punuar shumë që kompanitë amerikane të vijnë në Shqipëri, por kurrë nuk kam pranuar që të vijnë pa tender”, nënvizoi Berisha.
