Pas dështimit të protestës në shesh, Muli ka bërë sot një plan të detajuar mbi sulmin gueril në protestë. Për këtë thirri Lelon t’i shpjegonte se si duhet të pozicionohej media me qëllim që të mbulohej ngjarja.
Meqë grupi i zjarrit mungon në Kuvend se i kanë përjashtuar, ata do të jenë jashtë me protestuesit. Doktori do të jetë brenda por ai po nuk pati Albanën në krah, nuk i punon lidhja direkte.
Kështu që komunikimi do funksionojë me shenja.
Aldoja do zëvendësojë Albanën në mbajtjen e veglave të Doktorit për lidhje direkte. Pasi t’ia marrë dorën, ai do t’ia mbajë Doktorit përpara në çdo moment telefonin, me lidhje direkt në facebook. Turma jashtë do ndjekë lëvizjet e Doktorit.
Kur doktori tua bëjë me dorë përpara, turma do nisë sulmin mbi policët.
Kur Doktori, të thotë, “një minutë për procedurë” turma duhet të qetësohet dhe të presë sinjlain.
Kur Doktori t’i drejtohet Ramës dhe t’i thotë i ke ngulur thikën pas shpine SHBA por të denoncoi Allisoni, turma do ngrejë pankartat “Poshtë Yuri Kim”.
Kur Doktori do t’i thotë: ti i ke gjetur dashnore ambasadorit anglez nga qeveria, turma jashtë do bërtas, “Rama ik Rama ik, bashkë me shokun britanik”.
Në fund Luan Baçi do tentoj të hyjë me dhunë në Kuvend dhe kur ta ndalë ushtari i Gardës do t’i tregojë tatuazhin me drapër e çekan që ka në gjoks qysh kurse ishte ushtar, për t’i thënë që jemi nga këta të PS vjetër.
Me hyrjen e tij në derë të Kuvendit, Doktori do ngrihet dhe do drejtohet nga Edi Rama në podium, për t’i zënë vendin. Ai do tu mbajë një fjalim ministrave duke u thënë se çfarë kryeministri të korruptuar kanë. Pastaj do t’i mbaj një fjalim ushtarëve të Gardës se çfarë ministri të brendshëm të korruptuar kanë. Pastaj do tu mbajë një fjalim deputetëve të PD që nuk e pranojnë Doktorin për t’i thënë që komandoheni nga besëpreri.
Në fund do tu drejtohet Edi Ramës duke i thënë: Edi Rama . Ti je i pashpresë. Ti mund të rrish kryeministër dhe dy vjet, dhe gjashtë vjet dhe 10 vjet, por ti kurrë nuk më ndalon dot mua të bëj miting. Dhe ky është fundi i një kryeministri. Ta dish mirë ti dhe gjithë shqiptarët.
Dhe pas kësaj, turma jashtë do brohorasë, ndërsa Aldua do postojë foton e protestes se Lulit, të vitit 2019 para Kuvendit, por do fshijë Sahit Dollapin që rrëzohet duke vrapuar.
