Çakejtë e perjashtuar nga vettingu, jane shnderruar ne gjarperinj helmues, jo vetem neper studiot e mediave, por, edhe neper auditoret e universiteteve.
Kreu i Shoqatës së Avokatëve Penalist Saimir Vishaj, ka sulmuar kreun e Shkollës së Magjistraturës, Arben Rakipi dhe paralajmëroi kallëzim penal kundër tij. Me anë të një postimi në rrjetet sociale, ai ngriti pyetjen se deri kur do durojmë këta ish- ekspert që përfituan nga reformë 7 vjeçare që japin ende mësim.
“U lodhëm me reformën në drejtësi…. U lodhëm me ish- ekspertët Rakipi e co… Ne jemi Avokat… Deri kur do durojmë këta ish- ekspert që përfituan nga reformë 7 vjeçare dhe këta japin ende mësim… Turp. Shoqata e Avokatëve Penalistë të Shqipërisë i drejtohet ILPD të zgjohet nga gjumi kur ne flasim. Do të bëjmë kallëzim në SPAK për kryetarin e Shkollës së Magjistraturës dhe ILDP”, shkruan ai.
Pra, ky reagim i avokat Vishaj është një kambanë alarmi, pasi të ngelurit në veting nuk duhet të jenë pedagogë, për sa kohë janë shkarkuar dhe kanë dalë nga sistemi si të korruptuar apo inkriminuar. Kjo do të thotë se jemi para një skandali.
Statistikat, mbi 300 emra të ngelur në veting ja hedhin paq
Por nga afro 316 emra të ngelur në veting, SPAK ka dërguar për gjykim 4 prej tyre, ndërkohë që askush nuk është në burg. Pothuajse të gjithë gjyqtarët dhe prokurorët e ngelur në veting ja kanë hedhur paq. Janë vetëm 3-4 emra që kanë përfunduar të pandehur me akuza penale, pasi pjesa dërrmuese shijojnë pasurinë kriminale, ndonëse është faktuar që ajo është vënë nga korrupsioni.
Komisioni i Pavarur i Kualifikimit ka bërë bilancin e punës për këtë vit, por dhe për periudhën që kur nisi procesi e deri më sot. “Komisioni i Pavarur i Kualifikimit (KPK) ka përmbyllur procesin e rivlerësimit kalimtar të gjyqtarëve dhe prokurorëve për 75% të listës totale prej 805 subjektesh. Dymbëdhjetë anëtarët e Komisionit, në bashkëpunim me stafin mbështetës dhe nën mbikëqyrjen e Operacionit Ndërkombëtar të Monitorimit (ONM), kanë përparuar me procesin, duke shpallur në seanca publike, por edhe në dhomë këshillimi, 118 vendime për vitin 2022, duke arritur kështu edhe objektivat e vendosura për shqyrtimin e pjesës më të madhe të dosjeve”, zbuloi pak ditë më parë KPK.
Sipas të dhënave, deri tani janë marrë 604 vendime, nga të cilat: 248 vendime konfirmimi në detyrë për 125 gjyqtarë, 110 prokurorë, 2 ish-inspektorë në KLD, 1 inspektor në KLGJ dhe 10 ndihmës/këshilltarë ligjorë; 216 vendime për shkarkim nga detyra për 128 gjyqtarë, 84 prokurorë, 1 inspektor në ILD, 1 inspektor në KLGJ dhe 2 ndihmës ligjorë; 90 vendime për ndërprerje procesi; 38 vendime për përfundimin e procesit pa një vendim përfundimtar dhe 4 vendime për pezullimin nga detyra për 3 prokurorë dhe 1 ndihmës ligjor.
Por nga afro 316 emra të ngelur në veting, SPAK ka dërguar për gjykim 4 prej tyre, ndërkohë që askush nuk është në burg. Të vetmit që janë gjetur me shkelje janë Bashkim Dedja, Fatos Lulo, Shkëlzen Selimi dhe Guxim Zenelaj. Ndërkohë të gjithë emrat e tjerë janë katapultuar në poste të reja. Thuajse mbi 90 për qind e të ngelurve në veting janë sot avokatë. Një pjesë e madhe kanë dhe zyra avokatie, përmes të cilave tani pastrojë paratë e vëna nga korrupsioni.
