Sven Marie, avokati i ish nënkryetares së Parlamentit Europian, Eva Kaili ka ankimuar vendimin e zgjatjes së paraburgimit për klienten e tij. Tashmë gjykata e Apelit ka një afat kohor prej 15 ditësh për të vendosur nëse do të zgjasë qëndrimin e Kailit në paraburgim. Sipas Le Soir, avokati i Kailit dëshiron që klientja e tij të merret në pyetje me ish eurodeputetin italian, Antonio Pancheri i cili dyshohet se është “kreu” i skandalit ‘Qatar Gate’.
Kujtojmë se Pancheri ka një marrëveshje bashkëpunimi me autoritetet belge për të dhënë informacione në këmbim të uljes së dënimit të tij. Avokati i Kailit tha se duhej që gjykata të kishte parasysh faktin që Kaili ka edhe fëmijë për t’u kujdesur.
Gjykata në Bruksel vendosi të premten zgjatjen e paraburgimit për Eva Cailis dhe Pier Antonio Pancheri, në kuadër të hetimeve për çështjen e korrupsionit në Katargate.
Eva Kaili doli sot për herë të tretë para këshillit paraprak të Brukselit për kërkesën e lirimit të saj. Në bazë të procedurës, Eva Kailit këtë herë i zgjatet edhe për dy muaj paraburgimi.
