Sali Berisha ka zhvilluar sot një mbledhje me Këshillin Kombëtar të Partisë Demokratike. Kreu i PD tha se tashmë ai është më i fortë se kurrë dhe se pavarësisht goditjeve, ka zgjedhur që të qëndrojë.
Berisha tha se “vështirësi të mëdha më presin, por kam kapacitet për t’i përballuar”.
“Sot unë vij në këtë mbledhje më i fuqishëm se kurrë në ekzistencën time. Kalova disa beteja unike në historinë time politike. U gjenda në rrethana në të cilat unë kisha parashikuar që kurrë më të mos isha ai politikan që kisha qenë.
U gjenda në rrethana në të cilat u vërsulën ndaj meje me tërbim mafia qeveritare, më e rrezikshme në Europë, mafia e Edi Ramës.
Besëprerët në gjirint im, mafia më e rrezikshme ndërkombëtare. Unë bëra një zgjidhje apo zgjedhje epike! Vendosa të qëndroj.
Unë nuk u mposhta. A isha unë prej shkëmbi? Jo! por më i fortë se shkëmbi, janë idealet që unë besoj, dhe kjo është arsyeja që më mbështesin mua.
U ngrita në këmbë, nuk u mposhta, nuk u përkula, refuzova çdo kërcënim… ndaj u them se kjo provë e madhe më faktoi mue se isha njeri i pamposhtur në idealet e mia.
Kjo nuk ishte një betejë për veten time, por për çdo shqiptar, i cili beson se vendi duhet të ketë sistem demokratik dhe se pa opozitë nuk ka demokraci.
Kjo ishte një betejë për çdo shqiptar. Kurrë ndonjëherë nuk kam sakrifikuar më shumë për të gjithë shoqërinë tonë, sesa në këtë udhëtim. Sot jam në një etapë të re të betejës.
Dështoi për asgjësimin tin. Rrugën nuk e kam të shtruar, vështirësi të mëdha më presin, por jam më të fortë dhe kam çdo potencial për t’i kapërcyer”, tha Berisha.
Shënim: Ne kemi zëvendësuar fjalën ne, me unë, për të kuptuar se çfarë Berisha në fakt ka në mend, kur thotë çfarë ka kaluar PD. Kjo, sepse ato që përmend ai, në fakt s’i ka kaluar PD, por Berisha.
Në këtë link është versioni i saktë i fjalës së tij.
