Qëndrimi i krahasuar i Drejtësisë ndaj ministrave hajdutë dhe shefave të tyre; Ridvan Bode që ka 7 dosje aferash në prokurori, po shijon paprekshmërinë dhe postin e lartë në Bankën e Shtetit i emëruar nga PS, madje nuk është çudi, që kryeministri Edi Rama ta emërojë edhe Ministër Financash
Fakti i parë/ Prej 14 muajsh, ish-ministri i LSI e më pas deputet i PS, Lefter Koka, është në paraburgim e gjykim për 4 milionë Euro korrupsion, bërë nëpërmjet kontraktimeve me Klodian Zoton e Stela Gugalljan në landfillet Fier dhe Elbasan.
Fakti i dytë/ Qysh prej muajit dhjetor 2018, ish-ministri i PD, Ridvan Bode, megjithëse është me 55 dosje të zeza aferash korrupsioni, me vlerë totale 4 miliardë Euro gjatë pushtetit “Berisha” 2005-2013, vazhdon të jetë Anëtar i Këshillit Mbikëqyrës të Bankës së Shtetit si përfaqësues i PS, i përzgjedhur e emëruar nga kryeministri Edi Rama.
Shtatë nga aferat e mëdha të Ridvan Bodes, janë këto: Koncesioni i Lotarisë Kombëtare, Pullave Fiskale, Kasave Fiskale, ARMO, CEZ, Skanimi Konteinerëve dhe shitja e 4 hidrocentraleve “Ulëz”, “Shkopet”, “Bistrica-1” e “Bistrica-2” te kompania turke “Kurum”, me vlerë sa 6 muaj prodhim energjie elektrike.
Për korrupsionin e Lefter Kokës, bëri kallëzim penal Monika Kryemadhi, ndërsa Edi Rama bashkëpunoi fshehtas më Ilir Metën, duke ia dorëzuar SPAK-ut si “kokë turku”, me qëllim që të shpëtonte veten dhe 2 ministra e 3 kryebashkiakë, me të cilët ka bërë shumë krime ekonomike.
Në muajin nëntor 2013, kryeministri Edi Rama urdhëroi publikisht Avokatin e Shtetit dhe ministrat e linjës, të bënin kallëzime penale për aferat 4 miliardë Euro të Ridvan Bodes, por fshehurazi nuk i lejoji të paraqiteshin për shpjegime në prokurori kur i thirrën.
Ndërsa prokurorët nuk e thirrën fare Ridvan Boden dhe nuk filluan hetim ndaj tij, megjithëse kallëzimet e qeverisë “Rama”, i kishin regjistruar si çështje penale, për çdo dosje koncesioni e privatizimi që Bode kishte bërë në vitet 2008-2013.
Ish-ministri Lefter Koka, që u shit nga çifti Metaj-Kryemadhi e nga kryeministri Rama; dhe që refuzoi bashkëpunimin me drejtësinë për aferën e landfilleve, po përballet me pasojat e pazareve që bëri me 4 milionë Euro të zbuluara deri tani.
Ndërsa ish-ministri Ridvan Bode, që ka bërë batërdinë me 4 miliardë Euro të faktuara e me dosje pezull në prokurori, po shijon postin e lartë në Bankën e Shtetit dhe paprekshmërinë nga drejtësia, madje nuk është çudi që Edi Rama ta emërojë edhe ministër Financash./Pamfleti
