Pas një shkëputje të gjatë Unikkatil është rikthyer sërish në skenë, pas shumë hiteve të lëna pas ai vjen sërish për publikun shqiptar.
Me rikthimin e tij në muzikë me dy këngë të reja shumë të suksesshme, Unikkatil tashmë shfaqet më shumë edhe në rrjetet sociale teksa ka nisur një tur koncertesh nëpër Europë.
Se kur do performojë Unikkatil në Shqipëri dhe Kosovë ende nuk ka një datë zyrtare, megjithëse sipas burimeve të “Prive”, reperi do performojë në Kosovë gjatë fillimit të muajit gusht të kësaj vere.
Ndryshe nga reperët e këngëtarët tjerë që variojnë me shifra nga 1.000 deri në 10.000 euro për koncerte, Unikkatil mëton të jetë shumë më i shtrenjtë.
Organizatorë koncertesh në kushte anonimati kanë rrëfyer që për të pasur Unikkatilin në një datë gjatë verës duhet paguar 100.000 euro.
Një shumë e tillë është shumë befasuese nëse e krahasojmë me pjesën tjetër të estradës. Artistët që janë paguar më shumë gjatë verës janë Ledri Vula dhe Noizy me nga 10 mijë euro në një natë brenda Shqipërisë, mirëpo shifra e Unikkatil është stratosferike.
Duket se Unikkatilin vështirë se mund ta shohim duke performuar në vendin tonë duke marrë parasysh se kjo shifër mund të jetë e papërballueshme për organizatorët, megjithatë shumë fasna shpresojnë që artistin ta shohin edhe në Tiranë.
