Kryeministri i Malit të Zi, Dritan Abazoviç ka reaguar pas akuzave të ish-kryeprokurorit special Milivoj Katniç për lidhjet e tij me klanin kriminal Skaljar.
Duke folur për mediat vendase, Abazoviç tha se gabimi më i madh i Katniç ishte që nuk e arrestoi kur ishte prokuror në shërbim të mafies, e duke shtuar se gabimi më i madh i mafias ishte që nuk e vrau.
“Regjimi që e mbështeti Katniç dhe fakti që ai mund të ishte GST për një kohë të gjatë e lejoi atë të arrestonte të gjithë, dhe këta mashtrues dhe të poshtër të vrasin të gjithë. Unë pretendoj se këto ishin qëllimet e tyre.
Unë nuk kam frikë nga asgjë dhe jam i vetëdijshëm për përgjegjësinë që kam kur them diçka publikisht… i thashë në seancën e Qeverisë – nëse nuk më arrini më shpejt, më falni.
Si ka punuar Katniç, dëshmia më e mirë është se krahu i tij i djathtë Sasha Çagjenoviç është në burg, sipas pozicionit tim politik, ai e ka shtyrë që të nënshkruajë gjërat në emër të tij”, tha Abazoviç.
Më herët, Katniç deklaeroi se donte ta arrestonte Abazoviç, por nuk mundi ta bënte këtë për shkak të pengesave të pretenduara në Ministrinë e Punëve të Brendshme.
Katniç shërbente si drejtori i Policisë, por u shkarkua për shkak të lidhjeve të tij të pretenduara me grupe të krimit të organizuar.
