Për një artist është shumë i rëndësishëm emocioni që përcjellë në publik. E sidomos kur këto emocione bashkohen dhe përcillen “dyshe” atëherë edhe publiku merr doza më të larta nga një këngë ose vepër artistike.
Të gjithë kanë dashur ti shohin çift Jennifer Aniston dhe David Schwimmer (Rachel dhe Ross dy aktorët e serialit “Friends”), për shkak të kimisë që kishin mes tyre, por në fakt ata s’janë përfolur kurrë për një lidhje dashurie. E njëjta gjë ka ndodhur edhe me artin shqiptarë, këngëtarë e aktorë kanë qenë të jashtëzakonshëm në skenë kur kanë qenë dyshe dhe publiku ka dashur t’i shoh çift edhe jashtë skene.
Ledri dhe Dafina
Ledri Vula mund të realizojë pafund duete me kolege vajza ama kiminë që ka patur me Dafina Zeqirin se ka patur me asnjë nga koleget e tij artiste. Ish partnerët kanë qenë të jashtëzakonshëm në skenë.
Flori dhe Elvana
Kanë bërë historinë e muzikës moderne shqiptare. Vetëm një dyshe e tyre mund të prodhonte atë muzikë që ata kanë realizuar. Madje dhe Flori e ka cilësuar Elvanën si muzën e tij të frymëzimit.
Noizy dhe Loredana
Edhe Noizy ka realizuar shumë këngë me kolege të ndryshme të showbizit ama “Heart Attack” me Loredanën ka tjetër ndjesi. Jemi të bindur që s’do ta lenë me kaq.
Kida dhe Mozzik
E njëjta gjë vlen edhe për Kidën dhe Mozzik, të cilët i rikthehen bashkëpunimeve mes tyre sepse realisht kanë një kimi artistike për tu veçuar.
Ju kujtohet dueti mes Vedat Ademit dhe Rezarta Shkurtës, “Dua të iki larg”, një klip që edhe pse kanë kaluar shumë vite vazhdon ende të mbetet në memorien tonë. Kjo falë kimisë artistike mes tyre.
Alma Bektashi & Aleksandër Gjoka
“Ti nuk më tradhëton” është një nga duetet më të bukura shqiptare i realizuar mes Aleksandër Gjokës dhe Alma Bektashit. Të dy zëra të jashtëzakonshëm që duket se shkojnë në perfeksion me njëri-tjetrin.
Luizi dhe Olta
Mbase nuk ishin në një skenë të mirëfilltë por ama u vu re që edhe pse rivalë të fortë në lojë, Olta dhe Luizi nuk bënin dot pa njëri-tjetrin. Madje Luizi e kërkon shpesh Oltën edhe këto pak javë që i kanë mbetur brenda shtëpisë.
Arjola Demiri- Irgen Çela
Çifti i komedianëve kanë një kimi shumë të madhe artistike, por veç kësaj i ndihmon shumë edhe fakti që janë miq të mirë jashtë “Portokallisë”.
Ndriçim Xhepa-Luiza Xhuvani
Të jashtëzankoshëm si çift skenik qoftë në teatër ashtu edhe në kinematografi. Ndriçim Xhepa dhe Luiza Xhuvani kanë lenë një gjurmë të padiskutueshme në kinematografinë shqiptare.
Roza Anagnosti & Rikard Ljarja
Në dokumentarin e fundit kushtuar aktorit Rikard Ljarja, Roza Anagnosti ishte një nga protagonistet e tij dhe e pranoi vetë se me Rikardin ka patur një kimi artistike të jashtëzakonshme.
