Kreu i PDIU-së, Shpëtim Idrizi ka çelur këtë fundjavë fushatën zgjedhore nga Saranda. Në këto zgjedhje ai do të jetë i vetëm dhe për këtë arsye nuk ka kursyer sulmet si për PD ashtu dhe për PS.
Javët e fundit ai ka pasur përplasje me berishistë dhe sot lëshoi valë thumbash ndaj tyre. Ishte Edmond Spaho, ai i cili ju tregoi gishtin e mesit në rrjetet sociale dhe Idrizi i është kthyer. “Çfarë keni bërë për Çamërinë? Edhe ata që nuk na mbështetën kurrë, prapë na godasin prapa ëall-eve të rrjeteve sociale.
Prapë PDIU-së që doli e vetme i kërkojnë llogari të majtët e të djathtët se ku jemi, por prapë kam edhe një thirrje dhe dua t’iu drejtohem të gjithë atyre që PDIU i bëri drejtora, zv/ministra, shefa e deputetë që janë në listat e partive politike, ku ishit deri dje?
Besoj se ia keni borxh Çamërisë që iu bëri të njohur. Ne nuk kemi as tokë, as det për të falur. Na mjafton dhimbja e Çamërisë dhe e drejta për t’iu kthyer asaj. Çfarë është shqiptare do të mbetet e tillë. Kjo është e vetmja kredo e PDIU-së. Sot debati bëhet do hipim në autobus me lekë apo pa lekë. Në vend që të bëjmë debat për Shqipërinë që prodhon, punon dhe importon 1.5 miliardë vetëm ushqime, fruta e zarzavate, lini debatin shterpë për autobusin me apo pa lekë, por të bëjmë debat për Shqipërinë që prodhon.
Sot kërkojmë bekimin që të vijojmë të punojmë për atdhe e komb”, deklaroi Idrizi. Kujtojmë se duke marrë shkasë nga optimizmi për rezultatet e “Vendoreve” i shprehur së fundmi nga Idrizi, Edmond Spaho sulmoi javën që shkoi kreun e çamëve, madje e ka akuzuar se ka luhatje në bindje politike. Përplasja e Foltores me Idrizin vjen edhe pas thirrjeve të tij për të mos votuar kandidatin e Berishës për Bashkinë Himarë, Fredi Belerin. Spaho, e ka sulmuar Idrizin duke i thënë se “komuniteti çam do të marrë gishtin e mesit”, me të.
