Belind Këlliçi, kandidati i koalicionit “Bashkë Fitojmë” për Tiranën, u ndal te “Rruga e Barrikadave” me qytetarët.
I shoqëruar nga disa prej kandidatëve për këshill bashkiak, si Ilir Alimehmeti e Tedi Blushi, Këlliçi akuzoi kryebashkiakun e Tiranës, Erion Veliajn se ka shpërdoruar taksat e qytetarëve me buxhetin që ka përdorur për të rindërtuar gjimnazin “Sami Frashëri”.
“Nuk ka pse të bëhet 700 mijë euro fasada e një shkolle, ndërsa në Yrshek dhe në Katund të Ri nuk ka shkollë, në Vishnje nuk ka shkollë.
Nxënësit nuk kanë nevojë për fasada”, tha Këlliçi.
Bllokimi i hapësirave publike duke nisur nga trotuaret ishte një tjetër problematikë që Këlliçi pohoi se duhet të marrë zgjidhje.
I bindur për fitoren, Këlliçi theksoi se edhe kryeqytetasit e ndjejnë ndryshimin që sipas tij do të vijë me të në krye të Tiranës.
