Manchester City është kualifikuar për në finalen e madhe të UEFA Champions League. Skuadra e Pep Guardiolës kishte barazuar 1-1 në ndeshjen e parë, ndërsa sonte në Etihad triumfoi me rezultatin e pastër 4-0 ndaj Real Madrid.
“Qytetarët” vendas e nisën takimin duke ushtruar presion konstant dhe iu afruan disa herë golit të avantazhit, por ishte portieri Courtouis që u shndërrua në hero, me disa pritje vendimare.
Protagonist absolut në pjesën e parë ishte Bernardo Silva. Mesfushori portugez shfrytëzoi në maksimum një asist të De Bruyne dhe “tundi rrjetën” me një majtë vrasëse në minutën e 23-të.
Bernardo Silva dyfishoi shifrat në minutën e 37-të. Ai u tregua i saktë me kokë, duke mposhtur Courtois. Los Blancos u përpoqën që të ktheheshin në lojë, por pësuan edhe të 3-tin, pas një autogoli të Militaos në minutën e 70-të. Skuadra e Ancelottitt u shpërfytyrua tërësisht në shtesa, Alvarez thelloi avantazhin.
Kështu, Manchester City shkon në finalen e madhe të 10 qershorit në Stamboll, ku do presë Interin.
