Zhvillimet mes Luizit dhe Doktorit po shkojnë përditë e më keq. Dhe pse Doktori e mbështeti atë publikisht kur ishte në Big Brother, ai u tregua mosmirënjohës. Sapo doli mbështeti Benet Becin dhe festoi bashkë me tëpër fitoren.
Si të mos mjaftonte kjo, në një koncert në Detroit disa ditë më parë, ndërsa një emigrant tifoz i Doktorit e ka provokuar duke i thënë rroftë Berisha, ai i ka thënë të du më shumë ty se Berishën.
Muli i kërkoi Lelos të gjenin një mënyrë për ta neutralizuar këtë fushatë pa fund të Luzit kundër Doktorit.
-Po na dëmton tha. Duket sikur na ka vënë para Luizi.
-Duhet të hapim fjalë që është vepër e Yuri Kim, tha Lelo. Kur ai ka shkuar për vizë në ambasadë, ajo e ka thirrur dhe i ka thënë: Do shkosh në SHBA do bësh koncert, por me një kusht. Do të sulmosh Doktorin në mes të Koncertit. Ndryshe do të ndalojmë hyrjen.
Dhe ai e ka bërë.
Është i vetmi variant që ngjit tek demokratët. Çfarëdo që tu thuash për Yuri Kim, e besojnë. Këtë po e po.
-Kjo ka një rrezik tjetër tha Muli, se pastaj gjithë këngëtarët që duan të ikin në SHBA, e kujtojnë se është rregull e dalin i fusin ndonjë sharje Doktorit në koncert. Duhet kujdes në këtë pikë.
-S’ka problem tha Lelo. Edhe këtë e paraqesim si ndërhyrje të ambasadores. Rëndësi ka që të mos duket veprim i sinqerte i tyre, por i detyruar. Demokratët nuk të mbajnë inat për gjëra që i bën me detyrim.
Ndryshe do na mbanin ne inat, që i detyrojmë të vijnë në mitingje kur e dinë që s’do fitojnë gjë. Kaq mjafton. Boll ta dinë që ata e bëjnë nga halli.
