Partizani do të përballet me BATE Borisov në ndeshjen e parë të kualifikueseve të Champions League, më 11 korrik në orën 20:45 në “Air Albania”. Kjo ndeshje do të transmetohet LIVE dhe ekskluzivisht nga televizioni pa pagesë “MCN TV”.
Një lajm fantastik ky për tifozët e kuq që do të kenë mundësinë të shikojnë skuadrën e tyre të zemrës nga rehati e shtëpisë apo gjatë pushimeve ku mund të ndodhen.
Skuadra po vijon të punojë në fazën përgatitore në Pogradec ku nuk kanë munguar as ditët relaks si ajo e djeshmja me klubin që shtroi një drekë në zgarë. Objektivi është kalimi i të paktën një raundi i cili do të sjellë fitime më të mëdha dhe një rrugë më të lehtë drejt grupeve të Conference League.
