Kryetari i shoqatës së avokatëve penalist Sajmir Vishaj, i ftuar në një intervistë televizive, u shpreh se miliona euro dalin në qarkullim, ndërsa populli po vuan për bukën e gojës. Ky është një problem i madh sipas tij, ndërsa deklaroi se deri më sot nuk ka parë të dënohet asnjë zyrtar për korrupsion.
Sipas Vishajt, dosjen në SPAK për këto afera i ka dërguar vetë Arben Ahmetaj, pa e ditur për pasojat që do t’i vinin nga mbrapa, ndërsa tha se ai nuk i ka shitur shokët me këtë veprim.
“Miliona euro të dalin në qarkullim, kjo populli po vuan për bukën e gojës, ky është një problem i madh. Deri më sot për korrupsion unë nuk kam parë njeri të dënohet. Janë dënuar për shpërdorim detyre shumë të tjerë.
Unë mendoj që dosjen e ka çuar vetë Ahmetaj, pa e ditur për pasojat që do të sillte. Ahmetaj ka marrë përsipër një risk, nuk ka shitur shokët”, deklaroi më tej avokat Sajmir Vishaj.
