Non grata më i madh në kontinent Sali Berisha, është shprehur se në kohën e qeverisjes së tij, ka patur bashkëpunimin më të shkëlqyer në fushën e krimit të organizuar me SHBA-në dhe Britaninë.
Në emisionin “Çim Peka Live” në SYRI TV, Saliu citoi se pas të gjithë këtij bashkëpunimi, ambasadori Alastair King-Smith ka dalë kundër tij, ndërsa e cilëson si një shërbëtor të kryeministrit Edi Rama.
“Nuk ka diskutim se ka zyrtarë që shkruajnë në atë mënyrë, por ka dhe të tjerë që njohin të vërtetat dhe bashkëpunimin që është bërë edhe me shërbimet. Që në vitin 1992 i një sensitiviteti shumë të madh, dhe të dalësh ti tani të shpallësh Berishën rrezik për sigurinë e Britanisë së Madhe, ti duhet të jesh një skllav i Ramës.
Ka ndodh koincidenca që pas Italisë në luftën kundër krimit të organizuar, pas Italisë kemi pasur bashkëpunimin më të shkëlqyer me SHBA-në dhe bashkëpunimin më të shkëlqyer me Britaninë në fushën e zbatimit të ligjit.
Janë marrë raportet e DASH në kohën e qeverisjes time dhe janë përdorur për fakte kundër meje, ndërkohë që këto raporte janë votuar nga Britania dhe SHBA-ja për të lejuar futjen tonë në NATO”.
