Shefi i kuzhinës Michel Roux Jr ka njoftuar mbylljen në janar 2024 të restorantit të tij në Londër “Le Gavroche”, një nga restorantet më të famshëm të Britanisë, i cili ishte i pari në Mbretërinë e Bashkuar që mori një yll Michelin në 1974.
“Le Gavroche”, në lagjen Mayfair të Londrës, u hap në vitin 1967 nga francezët Michel dhe Albert Roux, dy vëllezër që vdiqën në 2020 dhe 2021. Vëllezërit Roux dihet se kanë ndikuar në skenën e ushqimit britanik.
Restoranti, i cili u nderua me tre yje Michelin në 1982 dhe mban dy yje, u mor në 1991 nga djali i Albertit, Michel Roux Jr., i cili është një kuzhinier i njohur në Mbretërinë e Bashkuar. Është ai që lajmëroi mbylljen e “Gavroche” në Instagram dhe në një intervistë për The Times mbrëmë.
“Jam vërtet i lodhur”, tha kuzhinieri 63-vjeçar për The Times, i cili e përshkruan restorantin si “bastionin e fundit në Londër të kuzhinës klasike të lartë franceze” dhe “një nga restorantet më të famshëm të Britanisë“. “Kam arritur në një fazë që nuk e shijoj këtë punë si dikur. Është një punë shumë stresuese dhe do të doja të gjeja një ekuilibër më të mirë mes jetës sime profesionale dhe asaj personale”, shpjegoi Michel Roux Jr.
“Unë kam qenë në shërbim për 34 vjet, më shumë se babai im”, vazhdoi ai. “Presioni ndaj meje për të ofruar cilësinë e lartë që të gjithë ata që hanë në Le Gavroche kanë pritur është kaq rraskapitës. Nuk është vetëm çdo ditë dhe çdo shërbim (i ofruar), por çdo pjatë.” Shefi i kuzhinës theksoi gjithashtu vështirësitë që lidhen me pandeminë Covid dhe Brexit të cilat “kanë shkaktuar probleme në aspektin e furnizimeve, stafit dhe kostove”.
Por ai siguron se restoranti po ecën shumë mirë financiarisht dhe se mbetet “plot çdo ditë”.
Michel Roux Jr njoftoi “një seri darkash festive” q
