Kampionët e Kosovës, Ballkani është kualifikuar në grupet e Conference League për të dytin vit radhazi.
Skuadra e drejtuar nga Ilir Daja paçka humbjes 1-0 me BATE Borisov në ndeshjen e kthimit play-off, iu fal fitores 4-1 në ndeshjen e parë.
Tanimë djemtë nga Suhareka nderojnë shqiptarinë, duke qenë ekipi i vetëm i kualifikuar në grupe.
Ndeshja e zhvilluar në Hungari u vendos nga goli i Kontesevoy në minutën e 30-të të ndeshjes. Më pas Ballkani u mbrojt mirë, duke mos lënë hapësira për të pësuar edhe një gol tjetër.
Veç suksesit të dytë radhazi, Ballkani do përfitojë një shumë të majme monetare nga UEFA për këtë arritje.
Kujtojmë se ndeshja kundër bjellorusëve të BATE u zhvillua në Hungari, pasi UEFA nuk lejon që kompeticionet e saj të zhvillohen në Bjellorusi, për mbështetjen që ky shtet i jep Rusisë në agresionin kundër Ukrainës.
