Ministria e Bujqësisë dhe Zhvillimit Rural përmes Agjencisë për Zhvillimin Bujqësor dhe Rural ka rihapur thirrjen për aplikime të Skemës Kombëtare për masat mbështetëse nr. 44, 45 në sektorin e Agroturizmit dhe bujtinave.
Masa mbështetëse numër 44 jep mbështetje për ngritjen apo rikonstruksionin e ambjenteve për veprimtari të Turizmit Rural (bujtina) me kapacitet nga 4 deri në 10 dhoma në 50% të investimit me masë financimi ngritjen deri në 1,5 mln lekë.
Masa mbështetëse numër 45 jep mbështetje për ndërtim apo rikonstruksion strukturash agroturistike deri në 50% të invetimit me masë financimi deri në dhjetë milion lekë.
Nëpërmjet kësaj skeme është vënë në dispozicion një buxhet prej 122 milionë Lekë për masën 45, ku parashikohen minimumi 12 aplikime fituese, të cilat do të rezultojnë në investime agroturizmi serioze në zonat rurale. Gjithashtu, një buxhet prej 32 milionë Lekë është alokuar për masën 44, ku parashikohet ngritja ose rikonstruksioni i minimumi 22 bujtinave.
