Pamje të turpshme vijnë nga futbolli shqiptar teksa në Kosovë, një futbollist ka sulmuar fizikisht arbitrin e ndeshjes. Ngjarja ndodhi ditën e sotme në një ndeshje të Ligës së Tretë të Kosovës ku një lojtar i klubit të Arbanës vrapoi pas gjyqtarit të sfidës duke e goditur me grusht nga pas e duke e ofenduar.
Forcat e policisë ndërhynë menjëherë duke neutralizuar agresorin të cilin e shtrinë përtokë e më pas e prangosën.
Nuk dihen ende shkaqet pse futbollisti veproi kështu, por një ngjarje e tillë kurrësesi nuk ka arsyetim dhe nuk ka vend aspak në sportin më të bukur në botë, futbollin.
