Pas fitores fantastike të kuqezinjve ndaj Çekisë mbrëmjen e djeshme në “Air Albania”, ka reaguar dhe kryeministri i vendit Edi Rama.
Tashmë që Shqipëria renditet e para në grupin E të Europianit 2024, Rama shpreh falënderim të madh për Federatën, djemtë e Kombëtares si dhe trajnerin Sylvinho bashkë me gjithë stafin.
Padyshim nuk mungon as falënderimi i veçantë ndaj tifozëve të cilët kreu i qeverisë i cilëson “lojtari i 12 i skuadrës”.
“Mirëmëngjes me këtë pamje që s’e kemi parë kurrë dhe me një falënderim të madh për ata të cilët e krijuan, djemtë e mrekullueshëm të kësaj Kombëtareje, trajnerin e tyre të jashtëzakonshëm dhe ndihmësit e tij fantastikë, e padiskutim supertifozët kuqezinj që janë lojtari 12 i skuadrës sonë, ju uroj një ditë të mbarë”, shkruan Rama në Facebook.
MIRËMËNGJES ??
me këtë pamje që s’e kemi parë kurrë dhe me një falënderim të madh për ata të cilët e krijuan, djemtë e mrekullueshëm të kësaj Kombëtareje, trajnerin e tyre të jashtëzakonshëm dhe ndihmësit e tij fantastikë, e padiskutim supertifozët kuqezinj që janë lojtari 12 i skuadrës sonë, ju uroj një ditë të mbarë ❤️
