Seanca për ish-kryeministrin Sali Berisha është ndërprerë dhe raportohet se do të rinisë në orën 18:00, pasi mbrojtja e tij ka kërkuar kohë të njihet me aktet.
Teksa ish-kryeministri Sali Berisha ka refuzuar të paraqitet në GJKKO për t’u marrë në pyetje, avokati i tij Genci Gjokutaj ka mbërritur pranë ambienteve të gjykatës.
Po ashtu mësohet se edhe avokati Sokol Mengjezi ndodhet në gjykatë me prokurë të posaçme në mbrojtje të ish-kryeministrit Berisha.
Berisha zgjodhi të mbajë një konferencë me gazetarët në orarin e caktuar nga GJKKO për marrjen në pyetje të ish-kryeministrit lidhur me privatizimin e ish-kompleksit sportiv Partizani.
