John Belushi lindi në Çikago, më 24 janar, si sot, në vitin 1949, pra 75 vjet më parë, në një familje emigrantësh shqiptarë të emigruar në Shtetet e Bashkuara të Amerikës
Aktori i cili mori famën me komedinë “The Blues Brothers”, fillimet e suksesit të tij në art, i pati në filmin e parë të tij “Animal House”. Një nga paraqitjet e tij të fundit, ishte roli i tij në një serial humoristik “Police Squan”.
Ishte djali i Agnes Belushi, shitëse nga brezi i parë i shqiptaro-amerikanëve, dhe Adam Belushi (lindur në 1919), një emigrant shqiptar që ishte punonjës në një restorant. Mbiemri i familjes gjatë emigracionit ishte Bellios.
Belushi i vogël u rrit në kishën ortodokse shqiptare e më pas jashtë Çikagos në Uiton ku bëhet pjesë e skuadrës së futbollit.
John Belushi aty ndjek dhe Universitetin e Winscosin-whitewater dhe “Coolege of DuPage” afër Çikagos.
Pjesë e botës së aktrimit, është edhe vëllai i tij i vogël, James Belushi.
Ndërsa bashkëshorten e tij, me të cilën qëndron deri në vdekje, John e takon gjatë vitit të dytë në gjimnaz. John Belushi njihet edhe si pionier i ahengut “Saturday Night Fever”, dhe si shpikës i artikujve she shfaqjeve përcjellëse të filmave artistik.
Talenti për teatër iu vërejt qysh në moshën e fëmijërisë. Më 1970 ai luan së bashku me Dan Aykroyd në bendin “The Blues Brothers”.
Ndërsa në gjithë SHBA-të bëhet i njohur me rolin e tij në emisionin televiziv “Saturday Night Live”, emision ky që është një nga shkallët e para për shumë aktorë që synojnë Hollivudin.
Në mars të vitit 1982, John Blush u gjend i vdekur në dhomën e tij në Kaliforni. Mjekët e lidhën vdekjen e tij me përdorimin e substancave të ndaluara.
Thuhet se në natën e vdekjes, ai priti në shtëpinë e tij miqtë e tij, Williams dhe Robert De Niro. Në prill të 2004-ës, 22 vjet pas vdekjes së tij, John Belushi u nderua me një yll në Hollivud.
