Kreu i SPAK-ut, Altin Dumani deklaroi sot gjatë vitit 2023, se janë regjistruar procedime penale sa për tre vite sëbashku për korrupsion dhe afera me tendera.
Dumani tha se shumica e dosjeve janë hapur nisur nga denoncimet në media, pasi kallëzimet nga institucionet kanë rënë me 40%.
Sot, Ekskluzive.al, po sjell në vëmendje të SPAK-ut një skemë të dyshuar korruptive me tendera nga kompania Shpresa.al, me pronar Lush Osmanin si dhe administratorë njerëzit e tij Gention Baja, Bardhok Osmani, Lin Osmani, Lush Osmani, Seferin Osmani, Dritan Osmani dhe Përparim Baja.
Lush Osmani, në tetor 2019, u shpall në kërkim nga Policia e Durrësit me urdhër të prokurorisë si pronari i kompanisë “Shpresa.al”, i dyshuar si organizator dhe përfitues i skemës të tjetërsimit të 68 mijë metrave katror tokë shtetërore, pranë Kepit të Rodonit. Osmani arriti më pas me lidhjet e tij të errëta ta mbyllte dosjen.
Me anë të kompanisë “Shpresa.al”, Lush Osmani ka marrë vitet e fundit rreth 200 tendera me vlerë mbi 50 milion euro, përpos liqenit të Çerkezës, prona publike, hidrocentraleve, etj.
Shumica e tenderave janë vulosur me paracaktim, në bazë të pazareve të Lush Osmanit me kryetar bashkish dhe drejtorësh.
Kush janë zyrtarët që kanë firmosur tenderat miliona euro për Lush Osmanin?
A janë shkelur procedurat dhe rregullat e prokurimit për të kaluar dhjetra milionë euro në llogaritë e kompanisë së Lush Osmanit?
A mashtron me zbatimin e kontratave Shpresa.al?
Sa është përqindja që Lush Osmani ndan me drejtorët dhe kryetarët e bashkive?
A ka lënë gjurmë gjatë zbatimit të skemës së korrupsionit?
