Drejtori i arkivave Ardit Bido dhe sekretari i OMONIA-s Marin Suli kanë debatuar lidhur me arrestimin e Jorgo Goros.
Sipas Sulit, nuk duhet që vepra penale e tjetërsimit të pronës të quhet “shpërdorim detyre” pasi sipas tij ajo është vjedhje e pastër.
Nga ana tjetër Bido tha se historitë me AMTP të falsifikuara ka me shumicë, dhe i takon prokurorisë që të thotë se kush ka bërë falsifikimin dhe kush ka bërë vjedhjen, ndërsa pyeti edhe sekretarin e OMONIA-s “Si i ke marrë ti pronat në Livadh?”
Marin Suli: Tjetrit i kanë vjedhur 500 metra ditën me diell, ti thua “shpërdorim detyre”
Ardit Bido: ti si e ke marrë atë tokën tënde në Livadh që punon?
Marin Suli: S’kam asnjë metër toke në livadh. Unë s’kam pronë jam qiraxhi në Livadh. Të kanë informuar keq.
Ardit Bido: Ti ke prona në Livadh, histori të falsifikuara me AMTP në këtë vend janë me shumicë dhe që nga ky moment ti të thuash emrin konkret kush e ka falsifikuar, kush e ka bërë vjedhjen, kush ka bërë krimin e organizuar, për këtë është prokuroria.
