Policia ka goditur një grup kriminal, që jepte ndihmë për kalim të paligjshëm kufiri për emigrantë nga vendet e treta kryesisht. Hetimi ka nisur një vit më parë, 24 persona vetë në pranga, dy në kërkim, mes të arrestuarve edhe police. Sipas policisë, u sekuestruar rreth 1 mln Euro dhe nga hetimet u zbulua se emigrantet paguanin 5 mije Euro për një kontratë pune false
24 persona u arrestuan dhe 2 të tjerë u shpallën në kërkim me urdhër të SPAK, mes të cilëve 4 efektivë policie dhe biznesmenë të ndryshëm, grup i strukturuar kriminal i trafikimit të emigrantëve nga vendet e lindjes së mesme dhe të largët, të cilëve u jepnin ndihmë për kalim të paligjshëm të kufirit.
Operacioni i policisë për ekzekutimin e urdhër-arresteve u shtri në disa qytete të vendit, Vlorë, Kukës, Fier, Durrës dhe Tiranë me 19 masa “arrest në burg”, 3 në “arrest shtëpie”, 2 “detyrim paraqitje” dhe 2 të tjerë shpallur në kërkim. Në një konferencë për shtyp, kryepolici Muhamet Rrumbullaku dha detaje të sekuestrimeve të bëra në aksion, mes të cilave një sasi para cash që kap vlerën e 1 milion eurove.
Në funksion të operacionit për ekzekutimin e masave të sigurimit personal, gjatë kontrolleve të ushtruara nga shërbimet e Policisë së Shtetit, janë gjetur dhe sekuestruar: 13 automjete të markave të ndryshme, 50 telefona, 3 pistoleta, 1 çifte, 50 fishekë, 4 laptopë, 5 kompjuterë, 520 000 lekë, 400 000 euro, 700 000 dollarë amerikanë, 4000 paund, doza kokaine dhe cannabisi, dhjetëra dokumente të ndryshme.
Policët në hetim dhe të arrestuar
1- Komisar Altin Hasani, Specialist per Sektorin per te Huajt ne Departamentin per Kufirin dhe Migracionin ne DPPSH – I arrestuar
2- Komisar Edmond Braha shef seksioni per migracionin e parregullt ne Drejtorine per Kufirin dhe Migracionin Tirane – I arrestuar
3- Inspektor Ariel Hoxha punonjes policie ne Kom Pol Kufitare Rinas – me mase sigurie arrest ne shtepi.
4- Inspektor E.H. punonjës policie në Kom Pol Kufitare Rinas Detyrim me paraqitje
5- – Endri Seiti
6- Luan Tafalla,
7- Endrit Ismailaj,
8- Arnol Shpata,
9- Xhuljeta Çopa,
10- Artur Mata,
11- Antonio Specchio,
12- Artan Sulaj,
13- Luan Sulaj,
14- Shkelzen Matmuja (Bokciu),
15- Bukurosh Muja,
16 – Lulzim Lami,
17- Tome Preka,
18- Xhulio Krasniqi,
19- Edmond Baklli,
20 – Iglan Alliçi,
21- Emmanuel Ella
