Spartak Ngjelën, në lidhje me akuzat qesharake të Ahmetajt tha se dalja e tij në kamerat e gazetarëve italianë tregon se Ahmetaj është në një moment depresioni pasi është i akuzuar. Sipas Ngjelës te ai deri më taninuk ka asnjë të vërtetë pasi nuk ka folur me emra.
Avokati thotë se fakti që Ahmetaj flet në mënyrë abstrakte dhe të përgjithshme, është një imitim i gazetarisë komuniste në Shqipëri. “E para, tani që e kanë marrë nën akuzë, u kujtua të thotë ato që ka parë te zyra e Edi Ramës?
E dyta, cilët kanë qenë personat kriminelë që kanë hyrë atje, di emra ky se nëse nuk di emra, atëherë nuk ka parë gjë sepse duhet t’i njoh si emra, që këto të jenë të identifikuar si njerëz të malavicës shqiptare apo të krimit shqiptar që t’i të bësh një deklaratë të tillë, na e thuaj.
Kur thua që ka thirrur kriminelë, që do të thotë këtë, këtë, nuk tha këto nuk vlen. Është momenti i depresionit që ka një i akuzuar, sepse po të mos ketë këtë depresion nuk kishte pse t’i thoshte. Në rast se ka fakte, pse i fsheh emrat? Të na thotë që është ky, ky dhe ky. Fakti që flet në mënyrë abstrakte dhe të përgjithshme, është një imitim i gazetarisë komuniste në Shqipëri”, thotë Ngjela.
Mesazhi për Berishën
Nga ana tjetër, dje Ngjela komentoi në një studio televizive dhe protestat e Rithemelimit. Ngjela e ka quajtur degradim mendor të Berishës, protestën e djeshme të Rithemelimit përpara parlamenti ku u dogjën goma makinash duke krijuar tym dhe kaos. Ngjela tha se në Shqipërinë anëtare të NATO-s, të mendosh për revolucion është prapambetje mendore.
“Ku kishte protestë patë gjë ju. Britma të turmave, as turmë nuk qe. Britma irracionale. Unë ju thashë dje, lodhje kot. Degradim mendor i Saliut që nuk e kupton kjo pjesë e opozitës që të shpëtojë. Është non-grata në Amerikë çfarë do bëjë me një protestë. Do bëhet revolucion në Shqipëri? Që është vend i NATO.
Është prapambetje mendore më shumë dhe pasion irracional. S’bëhet ajo. Pushteti ndryshohet me vota. Vend demokratik dhe i NATO. Nëse ke gjë drejtoju popullit. Me zjarr do bëhet krizë kushtetuese me zjarr rrotash.
Ç’kishte Rai 3 për të bërë revoltë. Përse?”, tha Ngjela. Sa i përket një trashëgimie të mundshme të PD-së prej Argita Malltezit, Ngjela shprehet se ajo forcë politike nuk ka vota. “’Ç’më duhet mua ajo lloj trashëgimie. Kanë apo nuk kanë vota. Pjesa e Saliut ka 8%, ajo tjetra ka 18. E krijuan vetë krizën, ndan PD. I pe sa veta i dolën Saliut dje. Asnjë. Asnjë forcë. Këto janë 8%. Këtu bëhen sondazhe. Nuk kanë vota. Në mënyrën si ecin janë të mundur sërish. Janë të çarë. Nuk po bashkohen, nuk kanë doktrinën, ide.
Çfarë di të bësh me të?’”, tha ai. Po ashtu Ngjela tha se lëvizjet e fundit të Metës janë lëvizje në vakuum, duke shtuar se janë pasuruar teksa i mban mend kur kanë ardhur zbathur. “Lëvizje në vakuum. Nëse opinionin publik e di që një pushtetar është i korruptuar nuk e merr dot veten. Meta si e konceptoni ju një burrë shteti? Ai thotë që janë të gruas paratë. Ai mund të tallet me veten por jo me ne. Cila grua kishte para? I kam njohur kur kanë ardhur zbathur”, tha ai.
