Spanjë – Angli, kjo është finalja e Euro 2024 e programuar për të dielën e 14 korrikut në orën 21:00 në stadiumin e Berlinit në Gjermani. Tanimë skuadrat kanë nisur përgatitjet për duelin e madh dhe kërkojnë trofeun. I katërti nëse do fitohet nga Spanja dhe i pari për Anglinë.
Luis de la Fuente i Spanjës gjen të rikthyerit Carvajal dhe Le Normand, teksa mesi i fushës i besohet sërish Fabian Ruiz dhe Rodrit.
Nga ana tjetër Gareth Southgate pritet t’i besojë formacionit të njëjtë si në ndeshjen kundër Holandës, të fituar në fund 1-2. Shqetësim vetëm për Trippier.
Formacionet e mundshme:
SPANJA (4-2-3-1): Simon; Carvajal, Le Normand, Laporte, Cucurella; Ruiz, Rodri; Yamal, Olmo, Williams; Morata
ANGLIA (3-4-2-1): Pickford; Walker, Stones, Guehi; Saka, Mainoo, Rajs, Trippier; Foden, Bellingham; Kane.
Të rejat te Spanja
Dy rikthime të rëndësishme në mbrojtje pas pezullimit. Carvajal dhe Le Normand janë rikthyer, duke kompletuar linjën me Laporte dhe Cucurella .
Pasi humbi Pedrin për shkak të lëndimit, de la Fuente këmbënguli me 4-2-3-1 dhe të njëjtin dyshe mesfushorësh, Ruiz dhe Rodri.
Asnjë ndryshim as nga mesfusha sulmuese: Yamal, Olmo dhe Williams luajnë pas Moratas.
Të rejat nga Anglia
Vetëm konfirmime për Southgate, i cili në Berlin do të ketë të njëjtin formacion startues të propozuar kundër Holandës.
Përpara është Kane i mbështetur nga Foden dhe Bellingham. Asnjë lajm as në mesfsuhë, ku ka mbetur çifti Mainoo-Rice.
Trippier ka një dëmtim, ai ka përsëri shqetësime në gjurin e tij, një situatë për t’u monitoruar. Për momentin ai mbetet titullar pavarësisht rikuperimit të Shaw.
