Muli u ul sot me qejf në krah të Gaz Bardhit.
Pas një beteje disa mujore me Kryesinë e Kuvendit, më në fund Spiropali miratoi kërkesën e Bardhit që ai të mos jetë në krah të Lulit.
Në letrën drejtuar Spiropalit, mes të tjerash thuhej:
“Qëndrimi në krah të tij më shpërqendron nga temat kryesore dhe fokusimi tek fati i Sali Berishës, pasi ai është simbol i besëprerit dhe arsyeja përse Berisha është i burgosur.
Ndërkohë që vij në Kuvend i armatosur me bindjen time se do të jem luftëtar në sallë, sapo shikoj Lulin shkrehem dhe më humbet sensi luftarak”.
Në fund, duke kërkuar të ndërrojë sa më parë vendin, i lutet zonjës Spiropali ta ulë mes njerëzve që kanë dhënë prova për burrëri dhe forcë në Kuvend, siç është zoti Nallbati apo vet Muli.
Në përgjigjen e saj drejtuar zotit Bardhi, Spiropali shkruan:
“Zoti Bardhi. Kërkesa juaj për të qëndruar larg Lulzim Bashës si njeri që të ngjall emocione të brishta dhe të përziera, të cilat shkojnë kundër kauzës së fortë opozitare, Kuvendi ka marrë vendim që ju të spostoheni mes dy meshkujve të fortë të Kuvendit, Nokës dhe Nallbatit, me shpresë që sipas teoremës së “dy policëve”, dhe ju të bëheni një burrë i fortë si ata”.
Pas kësaj Muli u qetësua dhe sot në seancën e parë i qëndroi pranë Gazit
