Rusia ka marrë një tjetër qytet të rëndësishëm në rajonin e Donetsk të Ukrainës. Lajmin e ka bërë të ditur Ministria ruse e Mbrojtjes në Telegram. Pas Prokrovskit dhe Toretsk, qyteti i radhës është Mikhaylovka.
Ministria ruse e Mbrojtjes tha se trupat e saj goditën një aeroport ushtarak ukrainas dhe një objekt të ruajtjes së dronëve gjatë 24 orëve të fundit. Ministria gjithashtu vuri në dukje se forcat ukrainase u përpoqën të shkelin kufirin në drejtim të Kurskut, por u zmbrapsën nga trupat ruse.
Ndërkohë, Shtabi i Përgjithshëm i Forcave të Armatosura të Ukrainës raportoi 80 beteja përgjatë vijës së frontit që nga pasditja e së dielës. Luftimet më të ashpra ishin në drejtimin e qytetit Kurakhove, ku forcat ruse filluan 19 sulme gjatë gjithë ditës, me betejat që vazhdojnë ende në drejtimin Pokrovsk, theksoi pala ukrainase.
Sakaq, Ukraina ndodhet përballë një tjetër krize. Autoritet ushtarake po tentojnë që të rekrutojnë të rinj për t’i dërguar në frontin ukrainas. Videot e publikuara nga mediat ndërkombëtare shfaqin të rinj të cilët merren me forcë nga autoritetet ushtarake ukrainase.
Zyrtarët ukrainas të rekrutimit kontrolluan restorante, bare dhe një sallë koncertesh në kryeqytetin Kiev për rekrutët. Ata kontrolluan dokumentet e grumbullimit dhe arrestuan persona që nuk respektonin rregulloret.
Bastisjet dhe rekrutimit në Kiev janë të pazakonta. Ato pasqyrojnë nevojën urgjente të Ukrainës për rekrutë të rinj. Vendi i ka rezistuar pushtimit rus për më shumë se dy vjet e gjysmë dhe ka intensifikuar fushatën e tij të mobilizimit ushtarak këtë vit.
Një ligj hyri në fuqi në pranverë që kërkon që rekrutët të fusin të dhënat e tyre në një sistem online ose të përballen me gjoba. Të gjithë ukrainasit nga mosha 25 deri në 60 vjeç i nënshtrohen shërbimit ushtarak. Burrat ndërmjet 18 dhe 60 vjeç nuk lejohen të largohen nga vendi.
Sakaq, Kremlini ka kundërshtuar deklaratën e Ministres së Jashtme gjermane, Annalena Baerbock se Vladimir Putin nuk është i gatshëm për bisedime me Gjermaninë. Sipas zëdhënësit të Kremlinit, Dmitry Peskov, Presidenti rus është ende i hapur për bisedime me kancelarin Olaf Scholz.
“Ne kemi deklaruar vazhdimisht se mbetemi të hapur për kontakte”.
Deri më tani, nuk ka pasur asnjë sugjerim nga pala gjermane për kontakte telefonike, tha Peskov.
