Muli thirri Lelon të mblidhnin urgjent denoncimet që kanë për Policinë e Shtetit dhe Gardën, gjatë mosbindjes civile.
-Na duhet çdo detaj, tha Muli.
Do krijojmë librin e zi të mosbindjes civile.
Ti dëshmojmë botës si na kanë dhunuar gjatë këtij revolucioni.
-Dakord, tha Lelo, dhe ja nisi punës. Kam këto raportime:
-Luan Baçin kanë dash ta zhvishnin që t’i dilte tatuazhi i PPSH që ka në krahun e majtë të gjoksit, afër zemrës.
Për këtë në fillim kanë synuar t’i hedhin spry ta paralizojnë dhe pastaj ta zhveshin pasi të shtrinin në tokë dhe ta fotografonin.
-Neritan Nallbanin e Devollit e ka sharë Niko Peleshi.
I ka thënë të të vijë rëndë, të të vijë, me këto që bën.
-Albana Vokshin e ka ofenduar Erion Braçe në sallën e Kuvendit duke i thënë “mos mu afro se vjen erë”.
Kjo është fyerje e rënd, pasi ajo kishte hedhur parfum Dior vetëm që të maskonte erën e benzinës.
Braçja u justifkua pastaj që e kishte fjalën për benzinën.
-Gardisti i ka hedhur duart në qafë Elda Hotit, në përpjekje për ta ndaluar të hidhte molotovin ndaj Spiropalit, dhe i ka thënë “Digjëm mua më mirë”.
-Gazment Bardhit i ka rënë me pëllëmbë bythëve Petro Koçi, duke i thënë “ec mor dreq mos më zë rrugën”.
-Dash Sulës i është djegur tesera e PD bashkë me xhaketën, dhe është në depression, pasi nuk di a do t’i japë Doktori tjetër.
-Agron Gjekmarkajt i kanë prishur fishën e karikimit në Kuvend dhe nuk kishte ku të shkruante kronikën për Parlamentin.
Të tjerat në vazhdim.
