Avokati Idajet Beqiri thotë se është gati dosja e deputetit demokrat, Flamur Noka për t’u dërguar në Prokurorinë e Posaçme (SPAK).
Në një intervistë për ABC News, Beqiri u shpreh se ka provuar lidhje të Nokës me trafikun e kokainës.
Beqiri shtoi se do ketë sërish kallëzim penal për kreun e PL, Ilir Meta dhe Monika Kryemadhin.
“Berisha është kalë i ngordhur, i kanë rënë dhëmbët. Saliu nuk tremb as sorrat më, por përpiqet me atë të vetën. Kush i shkon, i shkojnë 300-400 veta, i shkojnë ata që kanë punë me drejtësinë, që shumë shpejt do përgjigjen për grushtin e shtetit të 1998.
Është dosje që po kopsitet dhe po i shkon SPAK. Në kallëzimet penale që kam bërë, unë i falenderoj qytetarët e këtij vendi, por edhe emigrantët, që më furnizojnë me materiale të jashtëzakonshme.
Unë tashmë kam në dorë plotësimin, ka filluar hetimi për dosjen e Flamur Nokës, për korrupsion. Ka të dhëna që ka bërë trafik kokaine në Angli, kam nxjerrë lidhjet e tij.
Pastrim parash, por edhe krime të rënda, kundër integritetit të shtetit shqiptar, bashkëpunim me Fazlliçin.
Kam një pallëzim penal për Metën, Kryemadhin, dy ministra, por edhe sekretarin w një ministrie, aferë për 146 mijë hektarë tokë në Topojë të Fierit.
Ata i kërkuan 5 milionë euro Ilir Meta me bandën e tij, ka disa vjet. Ja morën atij, nuk pranoi të paguaje, vuri në dijeni edhe ambasadën e vendit të vet, Norvegjinë.
Ia dhanë pastaj tenderin Karimit të Bangaleshit për të bërë investimin”, theksoi ai.
