Mbrëmjen e së martës, Presidenti i Shteteve të Bashkuara të Amerikës, Donald Trump mbërriti në Belgjikë për të marrë pjesë në samitin e NATO-s në Bruksel.
Por gjatë mbërritjes së tij në bazën ajrore të Melsbroek, kreu i Shtëpisë së Bardhë nuk u prit nga krerët e institucioneve belge. Motivi?
Gjysmëfinalja e kampionatit botëror të futbollit Francë-Belgjikë.
Mbreti Philip ishte së bashku me Mbretëreshën Matilde në Shën Petersburg për të ndjekur sfidën, e humbur 1-0 nga “Djajtë e Kuq”, ndërsa Kryeministri Charles Michel pa ndeshjen në një “fan zone” në qytetin Braine-le -Comte, raporton tgcom24.
Për të pritur Trump, qeveria belge ka dërguar një zyrtar të Ministrisë së Jashtme, Françoise Gustin, pasi edhe titullari i ministrisë kishte shkuar në Rusi.
BalkanWeb
