Ilir Meta do merret në pyetje nesër në orën 10:00 në SPAK lidhur me hetimet ndaj tij për dosjet CEZ/DIA dhe lobimin në SHBA.
Meta, i cili ndodhet në burgun 313 në Tiranë, shkruan në Facebook se do të paraqitet për t’i pyetur ai prokurorët e posaçëm.
Ai përsërit se “organizata kriminale SPAK” firmosi rrëmbimin e paligjshëm dhe banditesk.
”Sapo mësova nga mediat e regjimit, që nesër unë, lideri i Partisë së Lirisë, forcës së dytë opozitare dhe forcës së tretë politike në vend, qenkam thirrur për t’u pyetur nga organizata kriminale SPAK, e cila firmosi rrëmbimin tim të paligjshëm dhe banditesk.
Padyshim që do jem atje për t’i marrë unë në pyetje dhe pas kësaj seance jam i hapur për çdo pyetje nga mediat që do të jenë të pranishme”, shkruan Meta.
