Biznesmeni Elton Ilirjani ka treguar për takimin e parë mes Parashqevi Simakut dhe djalit të saj, Luke Nolfe.
Ai tha se ishte një takim i shumëpritur, teksa ka treguar se Luke dhe babai i tij, Robert janë shfaqur të maskuar pasi nuk donin që të shfaqeshin në rrjete sociale. Madje ai tha se Luke kishte frikë për jetën e babait, pasi ai ka marrë kërcënime të shumta kohët e fundit.
“Ishte një takim i shumëpritur. Kishte disa vendime që nuk i lejonte Parashqevisë që të takonte nënën. Ishin shumë faktorë. Djali e kishte humbur totalisht imazhin e nënës së tij. Ai nuk e njihte fare. Ai erdhi shumë i trembur. Të dy atë e bir erdhën të maskuar.
Sepse e gjithë kjo zhurmë dhe kërcënimet, kishin bërë një impakt shumë negativ. Ai më tha se kam frik se më vrasin babain. Kishin kapuç dhe vetëm sytë kishin jashtë. Më është dashur që të rrinte dy orë që të bindja që Luke të takonte të ëmën dhe se nuk u rrezikohej jeta.
Imazhi i tij do të përdorej dhe ai nuk ishte i gatshëm për këtë gjë. Ai në momente të caktuara shpërthente në të qara. Ishte një dramë e vërtetë. Në fillim kishte frikë të hiqte kapelën dhe ai ra dakord që ta hiqte pas një ore bisedë, por kishte shumë frikë dhe ankth”, tha ai për “Top Story”.
