Pas intervistës së Gazmend Bardhit, i cili la të nënkuptohej se nuk ishte dakort me realizimin e primareve brenda PD-së, për shkak se e kupton që ato do të përdoren nga Berisha si thertore kundër grupit të tij, ka reaguar numri dy i PD-së, Flamur Noka.
Noka u shpreh se ende nuk janë përcaktuar dhe janë duke u diskutuar modalitetet, por, sipas tij, ajo që është e rëndësishme është çdo njëri në PD dhe në opozitë duhet të shohë përtej vetes, përtej ambicieve dhe përtej egove.
Kjo deklaratë e Nokës është përgjigje e qartë për Bardhin dhe mbështetësit e tij brenda grupit të PD-së, të cilët iu bashkuan Berishës me premtimin për të qenë në listë të sigurt për deputetë, por doktor Noka, me sa duket, po vepron me kokën e tij dhe do tju tregojë vendin, duke i ftuar të lënë ambiciet dhe egot për deputetë.
