Presidenti i Shteteve të Bashkuara, Donald Trump me ardhjen në pushtet premtoi largimin dhe arrestimin e imigrantëve të paligjshëm. Shtëpia e Bardhë ditën e sotme njofton se janë arrestuar dhe larguar qindra imigrantë nga SHBA.
Mbrëmjen e së enjtes, sekretaria e shtypit e Shtëpisë së Bardhë më një reagim në rrjetin social “X” tha se janë arrestuar 539 kriminelë imigrantë të paligjshëm, përfshirë dhe terrorist të dyshuar, teksa nuk jep më shumë detaje.
“Administrata Trump arrestoi 538 kriminelë emigrantë të paligjshëm, duke përfshirë një terrorist të dyshuar, katër anëtarë të bandës Tren de Aragua dhe disa ilegalë të dënuar për krime seksuale kundër të miturve”, tha ajo në X.
Në foton e postuar shihet se imigrantët janë të rreshtuar dhe të lidhur me zinxhirë teksa transportohen për tu larguar nga SHBA.
Presidenti Trump premtoi një goditje ndaj imigracionit të paligjshëm gjatë fushatës dhe filloi mandatin e tij të dytë këtë javë me një mori veprimesh ekzekutive që synojnë rishikimin e sistemit të imigracionit në SHBA.
