Nga Ilir Demalia
Ajola Xoxa një ditë më parë, i dha një mësim të rëndësishëm shumë burrave të politikës 35-vjeçare, të cilët fshihen pas fustaneve të grave, mandatit të deputetit dhe fuqisë së parasë së vjedhur që përdoret për të blerë drejtësinë.
Ndërkohë që Xoxa ndodhej jashtë shtetit kur u shpall urdhri i arrestit, ajo u kthye dhe, sapo mbërriti në Rinas, iu dorëzua policisë në mënyrë krejt normale, duke treguar një qëndrim të përgjegjshëm.
Në kontrast, kemi raste si ai i Arben Ahmetajt, i cili u largua si një frikacak, duke shmangur përballjen me drejtësinë dhe duke sulmuar nga distanca përmes kanaleve të kontrolluara si ato të Çim Pekës. Këto platforma financohen me shuma të mëdha nga burime të dyshimta, përfshirë fondet e Zenit, dhe sot, për ironi, opozita e quan Ahmetajn “burrë”.
E njëjta sjellje vërehet edhe tek individë si Mehdiu, i cili vazhdon të fshihet pas mandatit të deputetit dhe pas parave të përfituara nga tragjedia e Gërdecit – një ngjarje që vrau 27 persona dhe ku përfshihen edhe familjarë të Zenit si pronarë të biznesit.
Përse drejtësia nuk heton burimin e parave që financojnë këto platforma mediatike si ajo e Çim Pekës, e cila paguhet me para gjaku nga Gërdeci dhe aferat e tjera të dyshimta të Zenit, Gitës dhe të tjerëve?
E ndërkohë, këta individë ende flasin lirisht në parlament, sikur mos të mjaftonin hajnitë, vrasjet, korrupsioni dhe abuzimet e tyre. Politikanët e tillë nuk duhet të lejohen të dalin nga salla e parlamentit pa pranga në duar.
