Vizita e dikurshme e ish Kryetarit të shtetit shqiptar, Ilir Meta te kundërshtari më i fortë i presidentit turk Erdogan është thikë ndaj miqësisë personale Rama-Erdogan. Njihet tashmë miqësia e fortë mes kryeministrit Rama dhe Presidentit turk, ndaj kjo lëvizje e Ilir Metës në atëkohë përkthehej si një mbështetje për opozitën turke.
Policia turke ka arrestuar ditën e sotme kryebashkiakun e Stambollit Ekrem Imamoglu, një rival kryesor i presidentit Rexhep Tajip Erdogan. Dyshohet se Imamoglu është arrestuar si pjesë e një hetimi për lidhjet e dyshuara për korrupsion dhe terrorizëm.
Sipas mediave vendase prokurorët lëshuan gjithashtu urdhër për 100 persona të tjerë. Autoritetet mbyllën disa rrugë rreth Stambollit dhe ndaluan demonstratat në qytet për katër ditë në një përpjekje të dukshme për të parandaluar protestat pas arrestimit.
Imamoglu postoi një video në rrjete sociale pas arrestimit ndërsa e ka cilësuar këtë të fundit si “Një goditje ndaj vullnetit të kombit”. Sipas Prokurorisë, ndaj İmamoglu dhe personave të tjerë për të cilët është lëshuar urdhër arrest rëndojnë akuza si të tilla si “organizatë kriminale, zhvatje, ryshfet, mashtrim, manipulim tenderash dhe ndihma e organizatës terroriste PKK/KCK.
