Komentet e Donald Trump të dielën – se ai ishte “shumë i zemëruar” me Vladimir Putinin – ishin një përgjigje ndaj deklaratave të presidentit rus të premten, në qytetin veriperëndimor rus të Murmanskut.
Atje, Vladimir Putin sugjeroi që një qeveri e përkohshme në Ukrainë, nën mbështetjen e OKB-së, mund të zëvendësojë presidentin Zelensky, përpara se zgjedhjet t’i dorëzojnë pushtetin një “qeverie të aftë” për të filluar bisedimet e paqes.
Presidenti rus sugjeroi se mbikëqyrja e OKB-së do të duhej “për të garantuar që do të mbaheshin zgjedhje demokratike [në Ukrainë], në mënyrë që kjo të sillte një qeveri kompetente dhe të besuar nga njerëzit”.
Ai tha se Rusia më pas do të zhvillojë bisedime paqeje me qeverinë e re dhe “do të nënshkruajë dokumente legjitime që do të njihen në mbarë botën dhe do të jenë të besueshme dhe të qëndrueshme”.
Duke përmendur shembuj të përfshirjes së OKB-së në Timorin Lindor, Guinenë e Re dhe pjesë të ish-Jugosllavisë, Putin tha se “një praktikë e tillë ekziston”.
Ai shtoi: “Teknikisht, është e mundur të diskutohet mundësia e futjes së qeverisjes së përkohshme në Ukrainë nën kujdesin e OKB-së me Shtetet e Bashkuara, me vendet evropiane, natyrisht, me partnerët dhe miqtë tanë.”
Si kujtesë, Trump i tha NBC të dielën: “Udhëheqja e re [në Ukrainë] do të thotë se nuk do të keni një marrëveshje për një kohë të gjatë”.
BBC
