Kampioni i botës dhe legjenda e futbollit në Itali, Andrea Pirlo thuhet se bllokoi llogaritë e djalit të tij Nicolo, i cili kishte grumbulluar borxhe duke luajtur me Nicolo Fagiolin dhe të tjerët në bastet e paligjshme.
Kjo zbulohet si pjesë e hetimit, nga ku Prokuroria Publike e Milanos kërkoi pesë arreste shtëpie për organizatorët e dyshuar të rrjetit të paligjshëm të basteve dhe të hetojë një duzinë futbollistësh të Serisë A.
Në një bisedë mes Pietro Marinonit dhe Fagiolit, referenca të qarta janë bërë edhe për Nicolo Pirlo, djali i ish-futbollistit Andrea Pirlo, tani trajner. Nga mesazhet e 7 qershorit 2022 mes të dyve, duket se edhe Nicolo Pirlo vendoste baste përmes platformave të menaxhuara nga de Tommaso dhe Giacomo .
“Ai është njëri prej nesh”, thotë në një moment Fagioli, më pas shton: “Shkoi në borxh dhe babai i tij e kapi dhe i bllokoi llogaritë deri sa mbushi 18 vjeç. Por të marrësh 30 mijë euro kredi në moshën 17-vjeçare është diçka e madhe”, komenton mesfushori i Fiorentinës.
