Muli vendosi sot t’i dërgojë një mesazh falenderimi komandantit të zonës së Lezhës dhe Mirditës, Gjin Gjonit, për gatishmërinë e lartë luftarake që po dëshmon në javën e fundit të fushatës.
“I dashur Gjin,
E përjetuam me gëzim dhe krenari atë që ndodhi mbrëmë në Lezhë, ku njësiti ynë operativ sulmoi në befasi dhe shkaktoi panik te pala kundërshtare me sulmin e tij surprizë.
Vigjilenca e lartë revolucionare e grupit tuaj operativ është një shembull i shkëlqyer edhe për shtabet e tjera luftarake.
Shembulli i Devollit, ku komandanti u përlesh trup më trup, u ndoq me dinjitet edhe nga ju, dhe kjo ka ngjallur shumë shpresë.
Unë ju rekomandoj që, përveç demokratëve, të mbroni edhe votën e socialistëve, pasi ata janë hajdutë dhe vjedhin njëri-tjetrin.
Rriju te koka dhe mos i lejo të vjedhin njëri-tjetrin.
Gjëja më e mirë në këtë rast është t’ua marrësh votat për PD, që ata të mos kenë më pse të zihen.
Shpresoj që deri të dielën të kemi dhe dëshmorin e parë të kësaj fushate, që do të na nderonte, sidomos nëse do të ishte nga Lezha apo Mirdita.
Në vitin 2013 ishte Laçi që i dha dëshmorin e parë zgjedhjeve.
Tani e ka radhën Lezha apo Mirdita.
Kam shumë besim tek ti dhe drejtësia jote në këtë pikë.”
