Albanian Post ka publikuar tanimë rezultatet e Exit Poll-it mbi zgjedhjet e 11 majit.
Me një ndarje në bazë të qarqeve, qarqet jugore – Vlorë, Fier, Korçë, Gjirokastër dhe Berat – mbeten bastione të majta, me fitore të bindshme nga Partia Socialiste.
Teksa për demokratët mbështetja mbetet në përqindje të ulët, krahasimisht me socialistët, partitë e vogla duket se referuar projeksionit nuk arrijnë të çajnë dot.
10 mandate, kaq parashikohet të marrë PS në qarkun Fier, me 54.63 për qind të votave. Kurse koalicioni PD – Aleanca për Shqipërinë Madhështore, me 35.09 për qind, siguron gjashtë mandate
Partitë e tjera, asnjë mandat.
Në qarkun e Vlorës, PS siguron 51.2 për qind të votave të konvertuara në plot tetë mandate, kurse koalicioni PD – Aleanca për Shqipërinë Madhështore 29.7 për qind të barasvlefshme me katër mandate – gjysmën e mandateve të socialistëve.
Ndërkohë, pesë partitë e tjera të vogla – SHB, PM, PSD, LB dhe KE – po ashtu edhe në këtë qark nuk marrin mandate.
Me numër të njëjtë mandatesh për PS dhe koalicioni PD – Aleanca për Shqipërinë Madhështore rezulton nga Exit Poll-i i Albanian Post qarku i Korçës. Nga pesë mandate për secilën nga dy partitë e mëdha: 52.3 për qind të votave PS dhe 53.90 për qind PD.
Në qarkun Gjirokastër, 59.2 për qind e votave shkojnë për PS, ekuivalenti i tre mandateve. Ndërkohë, koalicioni PD – Aleanca për Shqipërinë Madhështore arrin 36.4 për qind të votave, duke siguruar vetëm një mandat.
Partitë e tjera, sërish dalin pa asnjë mandat edhe në këtë qark jugor.
Sa i përket qarkut Berat, PS siguron pesë mandate ndërsa koalicioni PD – Aleanca për Shqipërinë Madhështore vetëm dy: përkatësisht 54 për qind dhe 29 për qind.
Sërish për partitë e tjera, asnjë mandat.
