Vota e diasporës ka krijuar tensione politike, me një strategji të dukshme të PD për ta bllokuar procesin.
Pas ankesës së demokratëve, KQZ pranoi që të mëvetësonte votat e emigrantëve të Greqisë, nën pretendimin e opozitës për parregullsi.
Por Partia Socialiste nuk ka qenë dakord, duke reaguar me anë të një ankimimi dhe kërkese ndaj KQZ-së, që të shfuqizojë vendimin e parë për votat e Greqisë.
“Absolutisht i pavlefshëm dhe në kundërshtim me ligjin”, e cilëson PS në kërkesën e saj vendimin e KQZ-së, të mëngjesit të sotëm (12 maj), me numër 1121.
Aktualisht votat e diasporës në parkun olimpik “Feti Borova” numërohen të ndara sipas qarqeve, por pa ato të Greqisë.
