Në Vaun e Dejës janë numëruar të 53 kutitë dhe ka dalë rezultati zyrtar.
Vau i Dejës është bashkia e parë në të cilën fituese nuk është shpallur as Partia Demokratike dhe as Partia Socialiste.
Forcë e parë në këtë bashki të Shkodrës është shpallur Partia Social-Demokrate me 5951 vota, ndërsa Partia Demokratike ka grumbulluar 4698 vota.
Në vendin e tretë është renditur Partia Socialiste me 2482 vota.
Por ky rezultat lokal duket se nuk ka qenë surprizë për drejtuesit politikë, pasi gjatë fushatës, kryeministri Edi Rama paralajmëroi publikisht kryebashkiakun Kristian Shkreli duke i thënë:
“Mos luaj me dy porta”, një deklaratë që tani merr më shumë kuptim në dritën e këtij rezultati.
