Panik dhe frikë në bordin e një avioni nisur nga Tirana me destinacion Milanon. Mediat italiane bëjnë me dije se avioni i linjës Blue Panorama ka bërë ulje emergjente në aeroportin Raffaello Sanzio në Falconara.
Ka qenë ora rreth 18:30, kur një Boeing 737 i kompanisë Blue Panorama bëri një ulje emergjente për shkak të një dëmtimi që u konstatua. Avioni i nisur nga Tirana drejt Milano Malpensa ishte me 143 persona në bord.
Sipas hetimeve të para, një defekt i konstatuar në avion, detyroi komandantin të devijonte rrugën duke u ulur në Sanzio.
E gjithë kjo u shoqërua vetëm me frikë pasi për fat nuk ka pasur asnjë person të lënduar. Aeroplani është nisur, por pa udhëtarët që kanë mbetur të gjithë në Ancona
